ВАЛЮТАЛАР КУРСЛАРИ
cbu.uz
1 USD = 9455.24 +21.9
1 EUR = 10438.58 +84.55
1 RUB = 147.25 +1.5
1 GBP = 11958.04 +324.85
1 JPY = 87.23 -0.99
1 AFN = 121.14 +0.22
1 AMD = 19.88 +0.03
1 AED = 2574.40 +5.97


«Ипотека-банк» АТИБда халқаро стандартлар татбиқ қилинмоқда

Ўзбекистон Республикаси Президентининг 2017 йил 12 сентябрдаги «Республика банк тизимини янада ривожлантириш ва барқарорлигини ошириш чора-тадбирлари тўғрисида»ги қарорининг ижросини таъминлаш, хорижий инвесторларга халқаро стандартларга жавоб берадиган ишончли ва холис молиявий ҳисоботларни тақдим этиш ҳамда халқаро стандартлар асосидаги бухгалтерия ҳисобини тубдан такомиллаштириш мақсадида «Ипотека-банк» АТИБ халқаро молиявий ҳисоботлар стандартлари (ХМҲС)нинг 9-стандартини татбиқ этди.

Мазкур жараён, дастлаб 2017 йилда бошланган бўлиб, лойиҳа «Ипотека-банк» АТИБ Кузатув Кенгашида муҳокама қилинди. 2018 йил 13 февралдаги Банк Бошқарувининг 23-сонли қарорига асосан, ХМҲС 9-стандарти талаблари бўйича «Ипотека-банк» молиявий активлари сифатини баҳоловчи модель яратиш ишлари бошланди.

Бу жараёнда ХМҲС 9-стандарти талабларини «Ипотека-банк» АТИБ тизимида татбиқ этиш бўйича «Ипотека-банк» молиявий активларини баҳолаш методологияси» ишлаб чиқилди. Методология яратишда дунёнинг «Катта тўртлик» деб аталувчи етакчи халқаро компанияларидан бири консультант сифатида жалб қилинди. Методология шу асосда яратилган моделга халқаро компаниянинг шарҳлари олиниб, у банк томонидан янада такомиллаштирилди.

Ушбу методологияга кўра, катта маълумотлар базаси яратилди ва таҳлил қилинди. Жумладан, «Ипотека-банк»нинг беш йиллик кредит портфели, барча молиявий активлари, балансдан ташқари моддалар, дебиторлик қарздорликлари ва бошқа маълумотлар таҳлил қилинди. Шунингдек, ушбу моделда Ўзбекистон Республикасининг 5 йиллик макроиқтисодий статистик маълумотлари асосида иқтисодий тенденциялар ва истиқболларнинг «Ипотека-банк» АТИБга таъсири корреляцион таҳлил қилинди.

Халқаро молиявий ҳисоботлар стандартлари (ХМҲС)нинг 9-стандартини татбиқ қилиш натижасида, лозим ҳолда молиявий активларга заҳиралар тузиш ва «Ипотека-банк»нинг активлари қиймати халқаро стандартларга мувофиқ акс эттирилади.

«UCI» Биржа индекси кўрсаткичлари
Highcharts Example