«Ўзмиллийбанк» Янги йил совғаси сифатида «Икки баробар фойда» янги омонат турини таклиф этади. Жорий йилнинг 5 декабридан 2019 йилнинг 15 январигача ушбу омонат бўйича Тошкент шаҳрида акция ҳам ўтказилмоқда.

Унга кўра, акцияда иштирок этганлар ҳам йиллик 19% даромадга, ҳам махсус совға — Mediapark тармоғи дўконларидаги маиший техника учун 3 миллион сўмгача бўлган совға картасига эга бўлишлари мумкин.

Эслатиб ўтамиз, совға картасининг пул миқдори депозит миқдорига боғлиқ. Яъни, омонат маблағи 20 млн.дан 50 млн. сўмгача бўлса, 300 минг сўмлик совға картасига, 50 млн.дан юқори ва 100 млн. сўмгача бўлса, 800 минг сўмлик совға картасига эга бўлишлари мумкин. 3 млн. сўмлик совға картаси эгасига айланиш учун эса 500 млн. сўмдан юқори бўлган пул маблағни омонатга қўйиш талаб этилади.