ВАЛЮТАЛАР КУРСЛАРИ
cbu.uz
1 USD = 8441.36 -14.01
1 EUR = 9493.15 -61.42
1 RUB = 131.78 +0.25
1 GBP = 10963.64 -96.83
1 JPY = 75.43 -0.05
1 AFN = 109.49 -0.04
1 AMD = 17.54 +0.07
1 AED = 2298.34 -3.82


Ноқонуний харажатлар таълим соҳасида энг кўп учраётгани аниқланди

Бу Давлат молиявий назорати бош бошқармаси ва унинг ҳудудий бошқармалари томонидан 2019 йил 1-чорагида ўтказилган назорат тадбирлари натижалари тўғрисидаги маълумотда акс этган.

Молия вазирлигининг Давлат молиявий назорати бош бошқармаси ўз фаолиятида замонавий ахборот технологиялари ва маълумотлар базасидан кенг фойдаланган ҳолда камерал назоратни амалга ошириш ва бюджет муассасаларида қонун бузилиш ҳолатларини олдини олиш ҳамда давлат бюджети ва мақсадли жамғармалар маблағларининг сарфланишида бюджет қонунчилигига риоя этилиши устидан молиявий назорат тадбирлари сонини қисқартириш ва самарадорлигини оширишга қаратилган тизимли ишларни амалга оширмоқда.

2019 йил 1-чорагида Давлат молиявий назорати бош бошқармаси ва унинг ҳудудий бошқармалари томонидан Иш режаси, Ҳукумат ва ҳуқуқни муҳофаза қилувчи органларнинг топшириқлари асосида 1 993 та назорат тадбирлари ўтказилди.

Ўтказилган назорат тадбирлари натижасида жами 70,2 млрд. сўм миқдорида бюджет интизомини бузилиш ҳолатлари ва бошқа ноқонуний харажатлар аниқланди. Шуни таъкидлаш жоизки, 2019 йилнинг 1-чорагида назорат тадбирлари самарадорлиги 2018 йил мос даврига нисбатан самарадорлик 2 мартага ортган (2018 йил 1-чоракда 30 млрд. сўм бўлган).

Назорат тадбирларининг асосий қисми (68,1%) бюджет интизомига риоя этилиши ва маблағларнинг мақсадли фойдаланиши юзасидан ўтказилган бўлиб, назорат тадбирларида аниқланган 23,4 млрд. сўм бюджет интизомини бузиш, пул ва товар моддий бойликлар камомади, мақсадсиз ва асоссиз харажатлардан 19 млрд. сўми (81,2%)ни (2018 йилда 67,4%ни ташкил этган) бюджетга тикланиши таъминланди.

Вазирлик ва идоралар кесимида энг кўп миқдорда аниқланган қонунбузилиш ҳолатлари қуйидагича:
● Олий ва ўрта махсус таълими вазирлиги тизимида қонунбузилиш ҳолатлари миқдори 6,2 млрд. сўмни ташкил этиб, шундан 4,9 млрд. сўми (78%) бюджетга тикланди;

● Халқ таълими вазирлиги тизимида қонунбузилиш ҳолатлари миқдори 3,7 млрд. сўмни ташкил этиб, шундан 3 млрд. сўми (80%) бюджетга тикланди;

● Соғлиқни сақлаш вазирлиги тизимида қонунбузилиш ҳолатлари миқдори 1,5 млрд. сўмни ташкил этиб, шундан 1,4 млрд. сўми (89%) бюджетга тикланди;

● Мактабгача таълими вазирлиги тизимида қонунбузилиш ҳолатлари 1,5 млрд. сўмни ташкил этиб, шундан 1,2 млрд.сўми (83%) бюджетга тикланди.

Йирик миқдорда молиявий хато ва камчиликлар Жиззах (5,3 млрд. сўм), Сурхондарё (2,5 млрд. сўм), Фарғона (2,1 млрд. сўм), Самарқанд (2,1 млрд. сўм), Қашқадарё (1,9 млрд. сўм), Андижон (1,5 млрд. сўм), Тошкент (1,3 млрд. сўм) вилоятларида ва Тошкент шаҳрида (2,6 млрд. сўм) аниқланган.

Бюджет интизомини бузилишига йўл қўйган бюджет ташкилотларининг 67 нафар мансабдор ва масъул шахсларига қонунчиликда белгиланган тартибда 47,8 млн. сўмлик маъмурий жарималар қўлланилди.

Бундан ташқари, 2019 йилнинг 1-чорагида Тошкент вилояти маҳаллий бюджетининг тузилиши ва ижроси юзасидан кенг қамровли назорат тадбири ўтказилиб, унда харажатлар сметаларида ортиқча режалаштириш, асоссиз иш ҳақи тўлаш, бажарилмаган ишлар учун тўловларни амалга ошириш, товар-моддий бойликларни ҳисоботга кирим қилмаслик ҳамда камомад ва ўзлаштиришлар каби 6,6 млрд. сўмлик молиявий хато-камчиликларга йўл қўйилганлиги аниқланди.

Назорат тадбири даврида кўрилган чора-тадбирлар ва кўрсатилган амалий ёрдамлар натижасида асоссиз сарфланган 4,5 млрд. сўм маблағларни бюджетга тикланиши таъминланиб, 0,7 млрд. сўмлик асоссиз харажатларнинг олди олинди.

Давлат молиявий назорати бош бошқармаси ва унинг ҳудудий бошқармалари томонидан бюджет маблағларининг мақсадли сарфланиши юзасидан назорат тадбирларида замонавий ахборот коммуникация технологиялари ва маълумотлар базаси воситасида камерал назоратдан кенг фойдаланилди.

Ҳисобот даврида 1 147 та бюджет муассасаларининг «Давлат молиясини бошқариш ахборот дастури» ва «УзАСБО» дастуридаги мавжуд маълумотларидан фойдаланган ҳолда камерал назорат тадбирлари ўтказилди.

Камерал назорат ўтказилган муассасалардан 205 тасида меъёрий ҳужжатларга амал қилмаган ҳолда 8 млрд. сўмлик хато ва камчиликларга йўл қўйилганлиги аниқланиб, назорат тадбири давомида асоссиз ва ноўрин харажатлардан 1,3 млрд. сўмини тикланиши таъминланди ва 2,7 млрд. сўм маблағларнинг асоссиз сарфланишини олди олинди ҳамда назорат тадбирларида аниқланган 5,6 млрд. сўм қонунбузилиш ҳолатлари бўйича 92 та назорат тадбирлари ҳужжатлари ҳуқуқий баҳо бериш учун ҳуқуқни муҳофаза қилиш органларига юборилди.

Бундан ташқари, Давлат молиявий назорати бош бошқармаси томонидан давлат мақсадли жамғармалари ва Молия вазирлиги ҳузуридаги жамғармалар маблағларини мақсадли сарфланиши юзасидан ўтказилган 405 та назорат тадбирларида 25,5 млрд. сўмлик молиявий қонунбузилиш ҳолатлари ва асоссиз харажатлар аниқланган бўлиб, шундан 20 млрд. сўмни тикланиши таъминланди.

Шунингдек, Ҳукумат томонидан кафолатланган кредитларни мақсадли сарфланиши ва Болалар спортини ривожлантириш жамғармаси маблағларини мақсадли ишлатилиши юзасидан ўтказилган 76 та назорат тадбирларида 2,4 млрд. сўм миқдорда ноқонуний харажатларга йўл қўйилганлиги аниқланиб, шундан 664 млн. сўмни тикланиши таъминланди.

Ҳукумат ва ҳуқуқни муҳофаза қилиш органларининг қарорлари ва топшириқларига асосан 164 та хўжалик юритувчи субъектларда молиявий хўжалик фаолияти юзасидан назорат тадбири ўтказилган бўлиб, аниқланган 18,9 млрд. сўм миқдоридаги молиявий қонунбузилиш ҳолатлари бўйича назорат тадбирлари ҳужжатлари қонуний чора кўриш учун прокуратура органларига юборилди.

Бу ҳақда Молия вазирлиги Ахборот хизмати маълум қилган.

Реклама

Республиканская Фондовая Биржа «Тошкент» – Индекс

Реклама
Реклама