ВАЛЮТАЛАР КУРСЛАРИ
cbu.uz
1 USD = 10493.48 -7.74
1 EUR = 12641.50 +35.84
1 RUB = 140.60 +0.11
1 GBP = 14603.78 +11.28
1 JPY = 96.15 +0.12
1 AFN = 133.93 -0.06
1 AMD = 20.15 -0.01
1 AED = 2856.77 -2.11


Ислом молияси бўйича Ўзбекистон ва Малайзия ҳамкорлиги муҳокама қилинди

Ўзбекистон элчиси Равшан Усманов «Amanie Group» ислом молияси бўйича консалтинг компанияси асосчиси ва Малайзия халқаро ислом университети (International Islamic University Malaysia – IIUM) Президенти Моҳд Дауд Бакар билан музокаралар ўтказди, деб хабар бермоқда "Дунё"ахборот агентлиги.

Йиғилиш доирасида «Amanie Group» компаниясини Ўзбекистонда ислом молияси тамойилларини амалга оширишга жалб қилиш, жумладан, зарур ҳуқуқий асосни яратиш, шунингдек, IIUM билан биргаликда ушбу соҳада ўзбек мутахассисларини тайёрлашни ташкил этиш масалалари муҳокама қилинди.

Маълумот учун, Моҳд Дауд Бакар, шунингдек, Малайзия Марказий банки (Bank Negara Malaysia), Малайзия қимматли қоғозлар комиссияси (the Securities Commission of Malaysia), Лабуан молиявий хизматлар бошқармаси (Labuan Financial Services Authority) ва First Abu Dhabi Bank банки Шариат кенгашлари раиси ҳисобланади.

2000 йилда ташкил этилган «Amanie Group» компанияси тегишли норматив-ҳуқуқий базани ривожлантириш, шу жумладан, ислом молияси воситаларини амалиётга жорий этиш бўйича тажрибага эга. Бу йўналишда Қозоғистон ва Афғонистонда ишлар амалга оширилди. «Amanie Group» Бирлашган Араб Амирликлари, Буюк Британия ва Қозоғистонда ўз ваколатхоналарига эга.

IIUM ислом банкинги соҳасида мутахассислар тайёрлаш бўйича етакчи университет ҳисобланади. У 1983 йилда Малайзия ҳукумати томонидан ташкил этилган ва Селангор штатида жойлашган. Университетда таҳсил олаётган талабаларнинг умумий сони 117 мамлакатдан 26 минг талабани ташкил этади. Университет Малайзия бўйлаб 6 та филиалларига эга. Университетда 13 факультетлардаги бакалаврлик, магистратура ва докторантура дастурларини ўз ичига олувчи ўқитишнинг тўлиқ цикли амалга оширилади.

IIUM курслари инглиз ва араб тилларида ўқитилади. IIUM ислом ҳуқуқи соҳасида жуда бой кутубхонага эга. Умумий коллекция 550 минг монография, 1,6 минг босма нашр, 60 минг аудиовизуал материаллардан иборат.

Музокаралар натижасида мамлакатимизда ислом банкчилиги воситаларини жорий этиш соҳасида Ўзбекистон Марказий банки ва «Amanie Group» компанияси ўртасида шериклик муносабатларини ўрнатиш бўйича келишувга эришилди.

Манба: Ўзбекистон мусулмонлари идораси матбуот хизмати

«UCI» Биржа индекси кўрсаткичлари