ВАЛЮТАЛАР КУРСЛАРИ
cbu.uz
1 USD = 11257.13 +29.05
1 EUR = 11854.88 +131.64
1 RUB = 182.11 -1.55
1 GBP = 13818.13 +174.89
1 JPY = 84.01 +1.66
1 AFN = 127.62 +0.5
1 AMD = 28.46 +0.07
1 AED = 3064.83 +7.91


“Тануки” асосчиси Ўзбекистонда ўз бизнесини ривожлантирмоқчи
Таниқли реставратор Александр Орлов ўзбеклар билан ишлашни ёқтиришини айтди. Таниқли реставратор, “Тануки” тармоғи асосчиси Александр Орлов 2023 йилда Ўзбекистонда камида 3-4 та муассасани ишга туширишни режалаштирмоқда. 
“Менга ўзбеклар билан ишлаш ёқади. Шунинг учун мен маҳаллий мутахассисларни жалб қилиш ва уларнинг малакасини ошириш учун сармоя киритишга, кучли профессионаллар жамоасини яратиш орқали лойиҳалар ишлаб чиқиш ҳамда уларни ривожлантиришга тайёрман”, - деди Орлов Sputnik мухбири билан суҳбатда.
 
 
2021 йилда Орлов Тошкентда битта ресторан очган эди. Реставраторнинг сўзларига кўра, янги пунктларнинг ишга туширилиши камида 400 та иш ўрни яратиш имконини беради ва ходимларнинг 80 фоиздан ортиғи маҳаллий аҳолидан жалб қилинади.
 
“Мамлакат иқтисодиётига киритилаётган жами сармоя миқдори қарийб 18,5 миллиард сўмни ташкил этади. Ўзбекистон бозорида яхши имкониятларни кўряпман, чунки у иқтисодиёти фаол ривожланаётган ва ўсиб бораётган йирик давлатдир. Айтишим керакки, Ўзбекистонда аллақачон овқатланишнинг тарихий анъаналари мавжуд — бу буюк қадимий маданиятнинг бир қисмидир. Ўзлари овқат пиширишни афзал кўрадиган мамлакатлардан фарқли ўлароқ, бу ерда бозор меҳмондўстлик саноатининг янги ўйинчиларига кўпроқ очиқ. Бу ресторан бизнесига МДҲнинг бошқа мамлакатларига қараганда янада катта салоҳиятга эга бўлиш имконини беради”, - дейди Орлов. Бу ҳақда Sputnik мухбири хабар берди.
«UCI» Биржа индекси кўрсаткичлари
Highcharts Example