Акция шартларига кўра, автомобиль ҳарид қилаётган шахс томонидан амалга оширилаётган тўловнинг 50 фоизи тўлангандан сўнг, автомобилнинг қолган суммасини 2 йил давомида фоизсиз бўлиб тўлаш имконига эга бўлад. Бу ҳақда «KAFOLAT sug‘urta kompaniyasi» AJ веб сайти хабар бермоқда.

«KAFOLAT sug‘urta kompaniyasi» AJ ушбу бўлиб тўланадиган қисми учун гаровга қўйилаётган автотранспорт воситасини 2 йилга «Муддатли тўлов шарти билан сотилаётган автотранспорт воситаларини суғурталаш» суғурта полиси бўйича молиявий хатардан суғурта қилади.

Бундан кўзланган асосий мақсад, автомашина харид қилаётган шахс «UzAuto Motors» AJ олдидаги қарзини қайтариш даврида тўлов қобилиятини йўқотса, етказилган зарар «KAFOLAT sug‘urta kompaniyasi» AJ томонидан қоплаб берилади.

Акция жорий йилнинг 30 сентябрига қадар амал қилади. Акциялар бўйича батафсил маълумот олиш учун «UzAuto Motors» AJ нинг расмий дилерларига мурожаат қилишингиз мумкин. Шошилинг, автомобиллар сони чекланган!