Энди банкдан кредит олиш учун ариза беришда ҳеч бир муаммосиз – аризани расмийлаштириш ишларини ишхона ёки уйдан чиқмасдан бажариш мумкин. 2014 йил 1 мартдан «Ҳамкорбанк»да оn-line-ариза қабул қилиш учун янги сервис жорий этилди.

Юридик шахслар ва якка тартибдаги тадбиркорларга кредит олиш имконияти юзасидан бирламчи қарорни олиш учун банк бўлимларига келиш шарт эмас. Бунинг учун www.hamkorbank.uz сайтига кириб, кредит олиш учун аризанитўлдириш кифоя. On-line усулида тўлдирилган анкета банк мутахассислари томонидан кўриб чиқишга берилади, кредит бериш бўйича қарор тез фурсатларда қабул қилинади.

«Ҳамкорбанк» долзарб бўлган ушбу сервисни жорий этиш орқали ўз мижозларига янги хизмат кўрсатиш сифатини таклиф этади, зеро, оn-line тартибда кредитга ариза бериш кредит олиш жараёнини сезиларли даражада тезлатади ва уни мижоз учун янада қулай бўлишини таъминлайди.