ВАЛЮТАЛАР КУРСЛАРИ
cbu.uz
1 USD = 9526.28 -2.21
1 EUR = 10329.35 +10
1 RUB = 148.82 -1.25
1 GBP = 12354.63 -76.24
1 JPY = 85.38 -1.45
1 AFN = 123.70 +0.03
1 AMD = 19.99 +0.01
1 AED = 2593.74 -0.6


Жорий йилнинг 17-19 октябрь кунлари Тошкент вилоятининг Чирчиқ шаҳри, Сирдарё ва Навоий вилоятларида барча хўжалик юритувчи субъектлар учун электрон ҳисобварақ-фактураларни мажбурий тарзда расмийлаштириш тартиб-қоидалари бўйича ўқув семинарлари ўтказилмоқда.

Бу ҳақда Давлат солиқ қўмитаси Жамоатчилик билан алоқалар ва ҳуқуқий ахборот бўлими хабар бермоқда.

Ушбу семинарлар Ўзбекистон Республикаси Вазирлар Маҳкамасининг 2018 йил 6 октябрдаги “Солиқ маъмуриятчилигида замонавий ахборот-коммуникация технологияларини қўллашни кенгайтириш чора-тадбирлари тўғрисида”ги 807-сонли қарори мазмун-моҳиятини давлат солиқ хизмати органлари ходимларига ва солиқ тўловчиларга етказиш мақсадида ташкил этилмоқда.

Давлат солиқ қўмитаси ва унинг таркибидаги Малака ошириш маркази, “Янги технологиялар” илмий-ахборот маркази, “Солиқ-сервис” давлат унитар корхонаси мутахассислари томонидан бевосита жойларда ўтказилаётган ўқув семинарларида хўжалик юритувчи субъектлар вакилларига электрон ҳисобварақ-фактураларни юритиш, ушбу тизимни ишлатиш механизмлари бўйича тартиб-қоидалар кўргазмали воситалар ёрдамида тушунтирилмоқда.

Маълумки, ҳукуматимизнинг юқоридаги қарорига асосан 2018 йилнинг 15 октябридан Чирчиқ шаҳри, Навоий ва Сирдарё вилоятларида электрон ҳисобварақ-фактураларни мажбурий тарзда расмийлаштиришни жорий этиш бўйича эксперимент ўтказилмоқда.

Эксперимент доирасида электрон ҳисобварақ-фактуралар товар-транспорт юкхатлари ва товар-моддий бойликларни олиш учун ишончнома вазифаcини бажаради. Эксперимент натижалари бўйича мазкур механизмни бутун мамлакат бўйлаб жорий этиш юзасидан таклифлар 2019 йил 1 февралга қадар киритилиши белгиланган. 

«UCI» Биржа индекси кўрсаткичлари
Highcharts Example