МДҲга аъзо мамлакатлар ичида сўнгги 5 йил мобайнида гидроэнергетика соҳасида янги ГЭСларни фойлаланишга топшириш бўйича Ўзбекистон етакчи ўринни эгаллади.

«Ўзбекгидроэнерго» АЖ маълумотига, ушбу даврда Россияда 6та, Тожикистонда 1та, Қозоғистонда 3та, Озарбойжонда 5та, Беларусда 2та янги ГЭС ишга туширилган бўлса, Ҳамдўстликка аъзо бошқа мамлакатларда бирорта янги ГЭС қурилмаган.

Ўзбекистонда эса, бу кўрсаткич анча юқорилиги қайд этилди. Унга кўра, мамлакатимизда ўтган беш йилликда 11 та янги ГЭС қуриб фойдаланишга топширилган. Шунингдек, 9 та ГЭС модернизация қилинди, деб хабар бермоқда «Дунё» АА.